ამერიკული კლინიკა
თურქეთში

რას მოიცავს ამერიკული ჰოსპიტალის ჩექაფის პაკეტი?

ბოლო დროს ძალიან პოპულარული გახდა სხეულის სრული შემოწმება (ჩექაფი/ჩექაპი), ამის მიზეზი ის არის რომ ადრეული გადამოწმება პაციენტს ეხმარება დროულად გამოვლინდეს ნებისმიერი პოტენციური დაავადება. ხშირ შემთხვევაში, ჯანმრთელობის დროული და რეგულარული გადამოწმება პაციენტებს ეხმარება თავიდან აირიდოს გართულებები, ოპერაციები და ადრეული სიკვდილიც კი.

ჯანმრთელობის ჩექაფის დროულ ჩატარებას შემდეგი უპირატესობები გააჩნია:

• პოტენციურად სიცოცხლისთვის საშიში ჯანმრთელობის მდგომარეობის ან დაავადებების ადრეული გამოვლენა;
• მკურნალობისა და განკურნების შანსების გაზრდა;
• გართულებების რისკის შემცირება არსებული სიტუაციის ყურადღებით მონიტორინგით;
• სიცოცხლის ხანგრძლივობის გაზრდა;
• შემცირებული ჯანდაცვის ხარჯები ძვირადღირებული სამედიცინო სერვისების თავიდან აცილებით.

ამერიკულ ჰოსპიტალში არსებობს მრავალნაირი ჩექაფის პაკეტი. ყველაზე მოთხოვნადი და გავრცელებულია ბეისიქ/სტანდარდ ჩექაფი ანუ მთლიანი ჯანმრთელობის გადამოწმება სტანდარტული ტესტებით. პაციენტს ასევე შეუძლია ჩაიტაროს ჩექაფ პაკეტი რომელიც უშულოდ მისი ჯანრმთელობის რისკების შესაბამისია. აგრეთვე, არსებობს ექსკლუზიური ჩექაფ პაკეტი, რომელიც მოიცავს ძალიან ბევრ ფართო კვლევას, კონსულტაციებს სხვადასხვა მიმართულების ექიმთან, ტესტებს ონკომარკერებზე და სხვადასხვა დაავადებებზე.

სტანდარტული ჩექაფ პაკეტი მოიცავს შემდეგ სადიაგნოსტიკო ტესტებს:

• სისხლის და შარდის ტესტები;
• გულმკერდის რენტგენი, ეკგ და 2D ექოკარდიოგრაფია;
• ვიტამინის შემოწმება;
• მუცლის გამოკვლევა: მუცლისა და მენჯის ულტრაბგერითი გამოკვლევა;
• ფარისებრი ჯირკვლის ფუნქციური ტესტები: TSH, T3, T4;
• თირკმლის ფუნქცია: სისხლის შარდოვანა, შარდმჟავა, შრატის კრეატინინი;
• ფილტვის ფუნქციური ტესტები;
• შაქრიანი დიაბეტის ტესტები;
• B ჰეპატიტის ტესტები;
• CT კალციუმის ქულა;
• კისრის სისხლძარღვების CT სკრინინგი (კაროტიდი);
• მამოგრაფია და პაპ ტესტი.