მემორიალის კლინიკა

რატომ იმატა თურქეთში მკურნალობის მსურველთა რაოდენობამ ბოლო 5 წლის განმავლობაში?

ბოლო რამდენიმე წლის განმავლობაში თურქეთში ქართველი პაციენტების რიცხვი უფრო და უფრო იზრდება. სამწუხაროდ, ამის გამომწვევ ერთ-ერთ ძირითად მიზეზად ხშირად სახელდება სადიაგნოსტიკო კვლევების არასრულფასოვნად ჩატარება, რაც შემდგომ ხდება არასწორი დიაგნოზის და შესაბამისად, არასწორი მკურნალობის მიზეზი.

საქართველოს რამდენიმე წამყვან კლინიკაში გამოიყენება ულტრათანამედროვე დანადგარები, თუმცა გამომდინარე იქიდან რომ ხშირად ექიმები არ არიან სათანადოდ გადამზადებული და კვალიფიცირებული, მათი გამოყენება ვერ ხდება მიზნობრივად და ეფექტურად. სამწუხაროდ, არც თუ ისე იშვიათია შემთხვევები, როდესაც კარგი დანადგარის წყალობით საკმაოდ მკაფიოდ მიღებული გამოსახულება, არასრულად ან არასწორად არის გარჩეული და შეფასებული.

გარდა ამისა, ბირთვული მედიცინის სფეროში დიდი მნიშვნელობა ენიჭება კვლევისას გამოყენებულ ნივთიერებას, რომელიც საქართველოში უცხოეთიდან იგზავნება და საჭიროებს როგორც კლიმატური ნორმების, ასევე გამოყენების ვადების მკაცრად დაცვას. თუკი ეს ფაქტორები არ იქნა გათვალისწინებული და ნივთიერების მოხმარების ნორმები დარღვეულია, სადიაგნოსტიკო კვლევების სანდოობა ეჭვქვეშ დგება.

ზემოთ ჩამოთვლილი რისკების არსებობა ფაქტობრივად ნულს უტარდება თურქეთის მემორიალის კლინიკაში სადიაგნოსტიკოს კვლევების ჩატარებისას. მემორიალის ჰოსპიტალში პაციენტის ჯანმრთელობის შეფასება ხდება ამ დარგში წამყვანი სპეციალისტების მიერ, ვინც გადამზადებული არიან და აქვთ მრავალწლიანი გამოცდილება, როგორც ულტრათანამედროვე აპარატურის ეფექტურად გამოყენებაში, ასევე ყველა ნორმის დაცვისა და გამოსახულებების ზედმიწევნით სწორად გაშიფვრის საკითხში.

რა მიმართულებებზე მიმართავენ ქართველი პაციენტები მემორიალის კლინიკას?

შიშლის მემორიალის ჰოსპიტალს ყველაზე ხშირად ონკოლოგიური პაციენტები მიმართავენ. პაციენტს საწყის ეტაპზე შეუძლია გადაამოწმოს საქართველოში დასმული დიაგნოზი. აღნიშნული ხდება საქართველოში ჩატარებული რადიოლოგიური კვლევების: კომპიუტერული ტომოგრაფიისა და მაგნიტო-რეზონანსული ტომოგრაფიის გამოსახულებებისა და დასკვნების საფუძველზე. ასევე, პაციენტი გვიგზავნის ონკომარკერებზე ტესტის პასუხს და ბიოფსიის დასკვნას. დამატებით, პაციენტი გვაწვდის ბიოფსიის ნიმუშს, რომელიც შენახულია პარაფინში და მედეგია გარე ფაქტორების მიმართ ტრანსპორტირების დროს. ბიოფსიის მასალაზე, ფორმა 100 -ში და ექიმის მიმართვაში მითითებულია კოდები, რომელიც აუცილებლად უნდა ემთხვეოდეს ერთმანეთს.

თურქეთის მემორიალის კლინიკაში ბიოფსიის მასალაზე დაყრდნობით ტარდება პათოლოგიური კვლევა. გამოსახულებების, დასკვნების და პათოლოგიური მასალის შეფასების შემდგომ, ექიმს საშუალება ეძლევა დასვას დიაგნოზი, სწორად შეაფასოს და მართოს სიმსივნური პროცესები, შემდგომში კი შეარჩიოს და დაგეგმოს შედეგზე ორიენტირებული მკურნალობის ტაქტიკა.